نشرت الفنانة الاستعراضية سما المصري صورة لها بالحجاب، الجمعة، عبر حسابها الشخصي على موقع الصور والفيديوهات الشهير "إنستغرام"، وعلّقت عليها قائلةً "كان يوم جميل صليت الجمعة في الجامع.. حلو جدًا الصلاة في الجامع.. يارب بس الواحد ما ينشغلش عن الصلاة تاني.. مش لازم في الجامع ممكن في البيت عادي وأنت واقف أو وانت قاعد أو حتى صلي برموش عينيك".
وتابعت: "مش لازم كل حياتنا تبقي ذنوب وشعر مكشوف ولبس مفتوح أكيد في طاقة نور موجودة جوانا نفتش عنها وهنلاقيها ومش لازم تبقي موجودة على طول لا ممكن ذي ما بيقولوا ساعة لقلبك وساعة لربك إلى حين يحسن الله خاتمتنا طبعًا الاستظراف هيبقي بالهبل دلوقتي في التعليقات خدوا راحتكم عادي أنا اتعودت على كده ابدأوا الهجوم يلا هو طبعكم ولا هتشتروه".
يُذكر أن سما بدأت أخيرًا في أول أعمالها الخيرية من الجولة التي خططت لها من أجل خدمة المجتمع المدني، وجمع التبرعات لمستشفيات مختلفة في مصر، وتبرّعت بالدم لصالح مستشفى 57357، ومن المقرر أن تستكمل جولتها في عدد من محافظات مصر خلال الفترة المقبلة.