في أكبر حدث عربي عالمي في تاريخ الفن، أصبح الفنان تامر حسني أول فنان عربي يحصل على بصمة الأيدي والأرجل بالمسرح الصيني، بعد عرض فيلمه الأخير "تصبح علي خير" في هوليوود وعن هذه المناسبة، قال تامر: "والله العظيم كان حلما من أحلام حياتي إني أكون فنانا مصريا عربيا وأحد مشاهير العالم اللي ممكن صوته يوصل لكبار متخصصي الفن في العالم عشان يقيموا مشواري الفني ويتعملي الطباعة الأسمنتية لليد والقدم في هوليوود.

إنما كمان أكون أول فنان عربي وكمان فيلمي تصبح على خير هيكون أول إنتاج مصري يعرض على شاشات هذا المسرح العريق في هوليوود ده كرم كبير أوي ولحد ما تمت دعوتي للتكريم ولوقتنا هذا أنا والله لسه مش مصدق وخايف أفرح أصلًا".

وأضاف من خلال صفحته الرسمية علي "الفيسبوك": "بس كان لازم أعبر لكم عن صدمتي وفرحتي بالتكريم ده أصله ليه معنى كبير أوي عندي كمصري عربي لازم تعرفوا إن مفيش مستحيل مهما شوفتوا أي ظروف وواجهتوا أي صعاب طول ماأنت بتحلم وبتسعى وبتجتهد مفيش مستحيل شكرًا مجلة enigma العالمية (الحمدلله )".