ابنة حسام حسن تكشف تفاصيل مثيرة عن رحيل التؤأم من "المصري"

كشفت يارا حسام حسن، نجله المدير الفني لفريق المصري البورسعيدي السابق، عن حقائق مثيرة تخص رحيل والدها عن القيادة الفنية للفريق البورسعيدي.
وقالت يارا عبر حسابها الشخصي بموقع التواصل الاجتماعي "فيسبوك:"ناس كتير بتبعتلى من امبارح بخصوص رحيل والدى من المصرى.. انا عاوزة اقول حاجة هو و عمى عمرهم ما كانوا عاوزين يسيبوا المصرى وبورسعيد واحنا حبينا بورسعيد والبورسعيدية من حب بابا وعمى ليهم وانا نفسى من ساعتها مكتئبة رغم انى مبتدخلش ولا اعرف تفاصيل عن شغل بابا".

واضافت:"للى اعرفه وشايفاه ان من قبل ما الدورى يبدأ وهو بيحصله مشاكل كتير ومستحمل حاجات كتير محدش يستحملها من مجلس الادارة وكل الناس اللى حواليه حتى اللى برة الكورة بتنصحهم يسيبوا المصرى عشان صحته ونفسيته وكان بيقول مش هسيب جمهور بورسعيد غير لما هما يمشونى وكان مستحمل معاملة ميستحملهاش ناشئ فعلا جاب اخره وهم اكتر ناس زعلانه ومكتئبة انهم مشيوا وانا عمرى ما شفت بابا عامل كدة ".
وعن العروض التي تلقاها خلال الفترة الاخيرة قالت :"والناس اللى بتقول انه جرى ورا الفلوس هو جاله عروض اكبر من كدة بكتير فى اوقات سابقة وفى اندية ومنتخبات عربية قوية جدا وكان بيرفض عشان بورسعيد رغم كل المشاكل".

واختتمت:"احنا عائلته المفروض اكتر ناس تتبسط انه هيمسك نادى فى القاهرة وهنشوفه لأننا كنا بنقعد بالاسابيع والشهور مبنشوفوش بس احنا مقهورين على فراق بورسعيد وان شاء الله هنرجع تانى".

ورحل حسام حسن،وابراهيم حسن عن قياده الفريق البورسعيدي وذلك معترضين على بعض سياسات مجلس الإدارة خلال الفترة الاخيرة