تامر حسني يدعم هيثم سعيد بعد إعلان اعتزاله الفن وهجرته إلى أستراليا

فاجأ الفنان هيثم سعيد جمهوره بنشر مقطع مصوّر عبر حسابه الرسمي في "فيسبوك" ظهر فيه بحالة نفسية سيئة وهو يعلن عن اعتزاله الفن وهجرته إلى أستراليا.

وبمجرد نشر الفيديو، هبّ الفنان تامر حسني لدعم هيثم سعيد حيث نشر الفيديو عبر خاصية القصص المصوّرة الملحقة بحسابه الخاص في "إنستغرام"، وعلّق عليه قائلًا: "حبيبي هيثم أنا أكيد أزعل لما أشوف فنان جميل زيّك يصيبه اليأس بالشكل ده أنا فاهمك وحاسس بيك كويس، طبعاً ما حدّش عارف داخليات الناس وأنا ممكن أبقى مش عارف إيه اللي خلّاك وصلت لكده رغم إن في ناس من جيلنا كمّلوا وصبروا وكان عندهم شغف وإصرار على النجاح كبير".

وأضاف: "أنت عارف أنا شفت إيه من حروب بس كمّلت واتحديت الظروف مش عارف أقولّك ليه مصمّمتش ولا أقولّك ما تزعلش على اللي أنا معرفش عنه حاجة ربنا بس العالِم بيك وعالِم أنت شوفت إيه وحسّيت بإيه بس خلّيني أقولّك حاجة أجمل من ده كله اتأكّد من حاجه زي ما أنت متأكّد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجّهك تروح باب تاني أفضل مش عشان يزعلّك، ما دام أنت اخترت تسافر تجرّب مش عيب جرّب جايز تلاقي نجاح عالمي حصلّك أكبر من اللي كنت بتحلم بيه ونصيحة ليك برضه أدرس التوزيع الموسيقي عشان تعمل مزّيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدّم ناس مع شطارتك كمطرب".
واختتم تامر حسني بالقول: "لو حسّيت بأي صعوبة أرجع وكلّنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير... فكّر يا صاحبي وأنا بعون الله معاك".

ونشر هيثم سعيد فيديو آخر رد فيه على رسالة تامر حسني وشكره على وقوفه بجانبه وإحساسه بمعاناته، مؤكداً أن ليس غريباً على تامر ما فعله معه.

قد يهمك أيضــــــــــــــــًا :

تامر حسني يعبّر عن فخره باختيار حسن يوسف له لتجسيد شخصيته في عمل فني

تامر حسني يُعلّق على مركزه بعد جنيفر لوبيز ويعد بمفاجأة ثقيلة